مشاعرك السلبية .. تخلصي منها بإيجابية
"كل ده كلام.. الكلام سهل.. مفيش أسهل منه.. بس الفعل صعب ويمكن ما يحصلش"
كده بدأناها بسلبية بحتة.. طيب ليه مكمله معايا في المقال... ببساطة لأن جواكِ عاوز يسمعني، فيه حاجات كثير بتعكر المزاج وبتخليكِ مش على طبيعتكِ، والسلبية تبدأ تتدخل من فتحة صغيرة جدا وتبدأ تكبر جوه تفكيرك وروحك لغاية ما تسيطر على كل مشاعرك وتحولك لإنسانة سلبية مش متصالحة مع نفسها ولا مع اللي حواليها
ودي أمثلة لأكثر الحالات السلبية انتشارا في مجتمعنا
" وزني زايد وعملت كل حاجة وباردو مش راضي ينزل، خلاص هروح أكل ما كده كده الدنياو بايظة"
" جوزي ما بقاش زي قبل الجواز معايا، أنا- خايفة لاحسن يكون شافله شوفة"
" بذاكر ومش بنجح .. بحاول أعمل أي حاجة تحسسني بأهميتي وبفشل .. انا فاشلة"
وغيرها وغيرها من المشاعر اللي لما تسيطر بتسيطر ومفيش حاجة بتوقفها .. ببساطة الحل بأيديكٍ انتٍ مفتاحه عندك، مش عندي ولا عند غيري .. صدقي نفسك انها تقدر تعمل كل حاجة حتى لو فشبت مرة أو اثنين او ثلاثة حتى لو تأخر الحلم ونفذ الصبر .. أكيد فيه حاجة قريبة هتفرح قلبك وهتساعدكٍ تتجاوزي مشاكلكٍ بقوة وإيجابية. تحرري من السواد اللي جواكٍ .. وابدأي معانا رحلة الإيجابية .. وطيري لفوق فالسماء لا حدود لها ولا نهاية